رواية عيناي لا تري الضوء بقلم هدير محمد
ونيمها على السرير... واتصل على الدكتورة وقالها تيجي... قعد على طرف السرير... بيبص على أيلين وعلى شكلها التعبان... كان مستغرب حالتها دي وجواه شكوك بيكذبها دايما... مسك ايدها وحطها على خده... كأنه نفسه تبقي صاحية وهي بتلمس على خده بنفسها... اتنهد وقال
أنا مش عارف مالك ولا فيكي ايه... سألتك أكتر من مرة وبتخبي عني... كلام قاسم حقيقي... انتي بتخبي عني عشان عمرك ما حسيتي إني سند ليكي أو لو وقعتي في مشكلة ممكن اساعدك... بس حالتك والأعراض دي بالذات بتخليني افكر في حاجات هتجنني بجد... اكيد اللي في دماغي غلط... يعني أنا شايفك إنك مش زي بنات الجيل ده ومختلفة عنهم ومحافظة على نفسك... بعدين انتي عايشة بقالك أكتر من 8 شهور معايا... يعني عمري ملاحظت عليكي أي تصرف غريب... أكيد تعبك ده ممكن برد في المعدة إن شاء الله...
هي مالها يا دكتورة ... هي كويسة صح
اه كويسة الحمد لله
طب مالها هي طول الوقت دايخة وبترجع ومعظم الأكل بتحسه تقيل عليها... ده سببه ايه ولا هي اخدت برد شديد في معدتها
لا مش حكاية برد
اومال ايه
سليم اتفاجىء من قالته الدكتورة وفضل يضحك بسخرية
حامل ازاي لامواخدة !!
حامل زي الناس انا كشفت عليها وهي فعلا طلعت حامل...
إنتي بتكذبي أيلين مش حامل !!
انت بتكذبني ليه كل الأعراض اللي عندها دي بتثبت انها حامل... ودي أعراض طبيعية هتفضل مستمرة طوال فترة الحمل...
مش قصتي دي... لو مش مصدق روح اعرضها على أي دكتور تاني هيقولك نفس اللي قولته... على العمون انتبه لصحتها ولأكلها كويس عشان التعب ميزيدش عليها ويأثر على الطفل... استأذن بقا
مشيت الدكتورة أما سليم دماغه ھتنفجر
أيلين حامل من مين انا ملمستهاش ولا قربت منها... يبقى إبن مين اللي في بطنها ده !
ھقتلك انتي وعشيقك يا ولاد الكل
بص على أيلين پغضب شديد
ھقتلك انتي وعشيقك يا ولاد الكل
سليم بيلف في الأوضة زي المچنون ومستني أيلين تصحى بفارغ الصبر... قعد على الكرسي وبيبص عليها ومستني تفتح عيونها بس
عدت حوالي ساعة ولما صحيت أيلين حصل كالتالي
أول مرة أشوف الڠضب الشديد ده عليه ولما شافني أني فوقت ابتسم ابتسامة اصطناعية وقال
اتفاجئت وقولت
طفل ايه
إنتي حامل ألف مبروك ان شاء الله تقومي بألف صحة وسلامة
حامل ازاي
الآه ! إنتي بتسأليني انا ليه على أساس أن انا أبوه يعني روحي اسألي اللي جابه وانا مالي هو أنا جيت جمبك...
انا حامل إزاي أقسم بالله محدش لمسني !!
عايز اعرف هو انا عملتلك ايه عشان تعملي فيا كده أبو الطفل يبقى مين انطقي
معرفش والله انا معرفش حد غيركة!
لا انا اللي هعرف يعني... تصدقي ضحكتيني يعني أنتي متعرفيش حد غيري على أساس احنا الإتنين اتولدنا في نفس اللفة هو انا عبيط عشان اصدق كده !.. قمسا بالله لو معرفتش مين أبوه ھقتلك... للدرجة انا طلعت مغفل عشان تستغلي عدم وجودي في البيت تروحي ټخونيني !!
والله معرفش انا حامل إزاي
متعرفيش يعني انا من أول ما اتجوزتك مقربتش عليكي... ودلوقتي حامل ايه الطفل ده يعني نزلتيه من على النت يعني... بقولك قولي مين أبوه حالا بدل ما اڤضحك فضحېة محدش ينساها... جبتيه كام مرة هنا واستغليتي أني طول الوقت مش موجود
مجبتش حد انا بس..
متكمليش اوعى تكملي كلام وتقعدي تنكري وتكذبي خلاص انا عرفتك على حقيقتك البشعة
شدني وطلعني في الصالة وفتح الباب ونادى على البواب
يا أشرف... أنت يا زفت يا أشرف
نعم
