انا مش عارف هتجوزك ازاي بالقرف اللي ف جسمك ده
انت في الصفحة 1 من 4 صفحات
انا مش عارف هتجوزك ازاي بالقرف اللي ف جسمك ده
– اميرة بدموع: انا مليش ذنب وكمان مش عايزة اتجوزك بس لولا ماما و…
– اياد بقرف: انتي مش لاقيه حد يجوزك ف مصدقتي بقي وقولتي اهوة دكتور ف الجامعه ومعاه فلوس ومش خسرانه حاجه مش كده
– أميرة بدموع: غير محلل عليك كفاية ظلم بقي
– اياد: هتشوفي ايام سودة معايا
، ليه الناس بتاخد بالمظاهر،ازاي بيقدرو يطلعو الكلام ده من جواهم، نظراتهم بتقتلني …
” عند إياد وعمه ”
عمي لو سمحت انا دكتور ف الجامعه وليا اسمي وحضرتك عايز تجوزني بنت مشوهه
ومحروقه اسف بس مش موافق
-انت عارف كويس اني معنديش ولاد وانت ابوك الله يرحمه وكلني برعايتك وبعتبرك ابني يا إياد مش عايز تلبيلي طلبي مليش حق عليك؟
-مسكت ايدة وبوستها:لا يا عمي حضرتك ف مقام والدي بس اشمعنا هيه ؟اميرة
-اميرة يتيمه ملهاش حد غيرنا واللي حصلها ده كان في بيتنا يعني ملهاش ذنب فيه
-ايوة يا عمي وانا ذنبي اي اتجوزها ؟
عمه: صدقني دي بنت كويسه اوي وهتحبها قرب منها وعالجها يا إياد غير محلل عليك متقساش علي البنت امها عنيها ورمت من كتر
العياط علي بنتها، مش عايز تردلها ولا جميل من اللي عملته معانا، انت نسيت انها هيه اللي ربتك
إياد بحزن: حاضر ي عمي..
” انا اميرة، عندي 21 سنه، بدرس ف كلية اداب قسم جغرافيا فرقه تالته، بابا متوفي ومليش غير ماما وهيه شغاله
عند عم اياد ف البيت طبعا هيه اللي ربته وانا رافضه حكاية الشغل دي بس بتحبهم وهما كمان بيعاملونا كويس ،
من كام شهر كده دخلت المطبخ اسلم علي ماما كعادتي بعد م رجعت من الكليه، غصب عني ميلت عشان اجيب حاجه أكلها من البوتجاز بعدين رفعت راسي واتخبطت ف طاسة الزيت ووقعت عليا
و طار ف وشي واتكب علي دراعاتي وفخدي وبقيت محروقه، طبعا محدش هيرضي يتجوز واحدة بدنها بالطريقة دي عم اياد اللي احنا قاعدين معاهم ف البيت جه وطلب ايدي ل اياد من مام
، انا رفضت بس ماما اصرت عليا وجبرتني علي الجوازه دي ”
